Július Žiga
kerdo: 09. 01. 2024 11:15 opre kerdo: 09. 01. 2024 11:15
O leperibnaskro vakeriben pal e fameľijakri bašavibnaskri tradicija, vakerel o Július Žiga. Leperel peske pal o lavutara andre fameľija pal o dad the pal e daj, vakerel sar pes ov korkoro dochudľas kijo bašaviben, pal e peskri pedagogicko aktivita, the pal e leskri fameľijakri kapela. E kapela kerde o džene andal e Žigaskri fameľija Gelnicatar: o dad Július, e čhaj Bohdana, o čhavo Filip.
e kategorija: vakeriben
o tagi: leperiben biograficko monolog moderovano slovaťiko Július Žiga sakoneske interno
Vojtech Botoš
kerdo: 15. 12. 2023 08:58 opre kerdo: 15. 12. 2023 09:00
Andre kapela Manuša bašaven o profesijonalna lavutara. O projektos avel khatar e inicijativa savi kerďas e slovaťiko giľavňi Júlia Kozáková, bašaven o Ľubomír Gašpar pre cimbalma, o Viliam Didiáš pre lavuta, Vojtech „Bélu“ Botoš pre vijola, Ján Rigo pre bari bugova. Andro berš 2022, le pomožipnaha khatar o Fondos vaš o nacijakre minoritengri kultura SR u Bratislavsko samospravno regijonos kerde o albumos, savo pes vičinel Manuša. Pro albumos hine 10 giľa – o tradična romane giľa andro lengre aranžmana.
O dokumentačno the informačno centrum vaš e romaňi kultura chudľas andro berš 2022 te kerel e dokumentacija pal o romane cimbalova kapeli, nekbuter ola, save ľikeren e tradicija andre fameľija.
Vojtech Botoš bašavel pre viola, hino o profesijonalno lavutaris, bašavel andro Symfonicko orchestros andro Slovaťiko radijo. O profilovo vakeriben.
e kategorija: vakeriben
o tagi: leperiben biograficko monolog moderovano slovaťiko Vojtech Botoš interno sakoneske
Dušan Deme
kerdo: 14. 12. 2023 10:46 opre kerdo: 14. 12. 2023 10:47
Dušan Deme uľiľas andre lavutarengri fameľija Lučencoste. Kijo bašaviben les ciknorestar ľidžalas o phuro dad. Šove beršendar bašavelas pre zongora, paľis sikhľolas the pre Zakladno artikaňi škola. Sikhľolas the te giľavel. Dešuštare beršendar rodel o dživipen prekal o bašaviben pro but thana, kerelas the andro but šifi pro baro paňi, kaj bašavelas pre zongora u giľavelas. Leskri inklinacija hin nekbuter kijo romano bašaviben, o folklorna giľa, džez u puraneder slovaťiko kheľibnaskri muzika. O vakeriben hino pal oda, sar leperel pre peskri fameľija, the so gondoľinel pal e akanutňi romaňi muzika, so ela le tradično cimbalovo kapelenca pre Slovaťiko, pal o leskro bašaviben andro Roland Horváth Orchestra no the pal e romaňi čhib the kultura.
e kategorija: vakeriben
o tagi: leperiben biograficko monolog korkoro slovaťiko Dušan Deme sakoneske interno
Gejza Adam
kerdo: 05. 12. 2023 13:43 opre kerdo: 05. 12. 2023 13:43
PaedDr. Gejza Adam, PhD. (uľiľas 1951, Michalovce) resľas o učo than andro romano emancipačno procesos andro purano Čechoslovaťiko u paľis andre Slovaťiko republika. Sar o kvalifikovano sikhavno vaš o 1. učipen pro zakladna školi (Pedagogicko fakulta, Univerzita P. J. Šafárika – absolventos) kerďas peskro kotor aktiviti vaš o sikhľuviben le romane čhavorengro imar jepaš ochtovarde beršende andro bišto šelberšipen. Maškar o berša 1989 – 1992 sas o dženo andro grupa Verejnosť proti násiliu (VPN), kaj sas vaš e platforma Rómska občianska iniciatíva (ROI). Le beršestar 1990 dži o berš 1992 sas o poslancos andro Federalno parlamentos Čechiko the Slovaťiko Federativno Republikakro (FZ ČSFR). Andro berš 1998 sas o dženo andre Koncilos vaš o rajipen vaš o sikhľuviben le nacijengro the etnicka grupengro andro SR, andro berša 2000 – 2004 sas o komisaris vaš o sikhľuviben le Romengro andre Maškarthemutňi romaňi unija (IRU). E politicko buťi ľidžalas angle sar o šerutno andre Strana rómskej koalície (E partija vaš e romaňi koalicija), dži o berš 2020.
O nekbareder doresipena andre leskri karijera hine e kooperacija andro procesos, prekal o savo chudle o Roma o štatutos sar e nacijengri minorita, oda, hoj kerďas buter privatna maškarutne školi (E Privatno maškarutňi pedagogicko u socijalno akademija, E Privatno maškarutňi džaňibnaskri škola) kaj pes sikhavel e romaňi čhib, kerďas o Detašovano kotor vaš e Uči škola vaš o sasťaripen u socijalno buťi sunto Alžbetakri andro Košice u sas odoj o šerutno.
e kategorija: vakeriben
o tagi: leperiben faktograficko monolog moderovano slovaťiko Gejza Adam sakoneske interno
Leonard Farkas
kerdo: 30. 11. 2023 07:26 opre kerdo: 30. 11. 2023 07:29
Leonard Farkas hino pal o Slovaťiko, andal o foros Dunajsko Streda, andal e fameľija, kaj pes vakerel ungrika. E magija the eskamotersko buťi kerel imar kanastar sas cikno. Sikhľolas pre škola vaš e magija Budapeštate, sas pro buter maškarthemutne kompeticiji u kerelas jekhetanes buter artikane manušenca, sar sas o lavutaris Zoltán Mága, vaj e kheľibnaskri grupa R3D ONE. O video anel o vakeriben leha u the varesave kotora, save kerel.
e kategorija: vakeriben
o tagi: leperiben biograficko monolog korkoro ungrika Leonard Farkas sakoneske
Štefan Vansač
kerdo: 30. 11. 2023 07:19 opre kerdo: 30. 11. 2023 07:20
Štefan Vansač hino andal e Spišsko Nová Ves. Sikhľolas pre cimbalma pro Konzervatorijum Kašate. Akana sikhavel andre Zakladno artikaňi škola andre Spišsko Nová Ves u andre Zakladno artikaňi škola Smižaňate. Le beršestar 2015 bašavel andre Folklorno kapela Štefan Cínoskri, jekhetanes kerde o CD Ja chlapec chudobni/Me som čhavo čororo. La kapelaha kerde the kotor bašaviben andro slovaťiko filmos Loli paradička, sajekh pro CD vaš o folklorno ansamblos Orgonina u folklorno grupa Jamničan. Jekhetanes la kapelaha sas andro buter bare TV programi, andro berš 2017 andro Zem spieva/E phuv giľavel, andro berš 2018 o Československo má talent/O talentos andro Čechoslovaťiko.
e kategorija: vakeriben
o tagi: leperiben biograficko monolog moderovano slovaťiko Štefan Vansač sakoneske interno
Ján Jóny
kerdo: 24. 11. 2023 10:30 opre kerdo: 24. 11. 2023 10:31
Ján Jóny dživel u kerel buťi andro Michalovce. Ciknorestar les sikhavenas te bašavel pre lavuta, no leskro formalno sikhľuviben sas te bašavel pro trastune inštrumenti, jekhto pro Armadno konzervatorijum andre Roudnice nad Labem andre Čechiko republika, kaj sikhľolas te bašavel pre tuba, paľis pro Konzervatorijum Kašate. Buter berša bašavelas andro Armadno orchestros andro Slovaťika armadna zora. Pal oda chudľas paľis te bašavel pre lavuta, u bašavel buter folklorno ansamblenca. Le beršestar 2014 sikhavel pre Privatno zakladno artikaňi škola Jurošík Michalovcate u bašavel the sar o dženo andre Folklorno kapela Štefan Cínoskri.
e kategorija: vakeriben
o tagi: leperiben biograficko monolog moderovano slovaťiko Ján Jóny sakoneske interno
Alexander Daško
kerdo: 22. 03. 2023 15:26 opre kerdo: 22. 04. 2024 07:35
Alexander Daško uľiľas andre osada andro Čierny Balog, sas nekterneder 13 čhavorendar. Sar ov korkoro phenel, o drom andre luma leske phundraďas o bašaviben, te bašavel sikhľolas ciknorestar, paľikerdo le pomožipnaske le dadestar the datar. Adaďives o lavutaris prindžardo na ča pre Slovaťko bararel trine čhavoren. Leskri romňi hiňi Rusiko, leskri fameľija multikulturno, vakeren romanes, slovaťika, rusika the angľicki. Alexander Daško avri phirďas o konzervatorijum andre Žilina, paľis avri phirďas e Pedagogicko fakulta pre Matejoskri Beloskri Univerzita. Buter sar 15 berša kerel o festivalos Romaňi jag, ľidžal peskri bašavibnaskri škola vaš o talentimen romane the naromane čhavore, oda savoro andre Bansko Bystrica.
e kategorija: vakeriben
o tagi: leperiben biograficko monolog moderovano slovaťiko Alexander Daško sakoneske interno
Jozef Červeňák
kerdo: 23. 02. 2023 13:12 opre kerdo: 16. 03. 2023 08:27
PhDr. Jozef Červeňák uľiľas andre Dobšiná andro okres Rožňava. Sas o absolventos andal e Fakulta vaš o socijalna džaňibena pre Univerzita Konštantín Filozofoskri andre Ňitra. Le beršestar 1993 kerelas buťi andro Komunitno centrum Romengro andre Rožňava, andro berša 1998 - 2004 kerelas buťi andre sikhľuvibnaskri u kulturno organizacija Roma Gemer. Paľis sas o šerutno andro Foroskro kotor Luník IX andro Košice (2006 - 2007) u o narodno koordinatoris andro narodna projekta kerde le lovendar andal e Europakri unija (Metodicko-pedagogicko centrum Prešov). Muľas andre pandemija koronavirus Covid-19, andro novembros 2021 andro gav Roštár, kaj hino the paruno. O vakeriben sas kerdo prekal o projektos Art Society s.r.o.: O Roma 30 berš pal o... savo chudľas e dotacija andal o Fondos vaš e minoritno kultura andro berš 2018.
e kategorija: vakeriben
o tagi: leperiben biograficko monolog moderovano slovaťiko Jozef Červeňák sakoneske interno
Alexander Daško a Vladimír Sendrei
kerdo: 15. 02. 2023 15:00 opre kerdo: 16. 03. 2023 08:29
Vladimír Sendrei, o giľavno u šerutno andre kapela Sendreiovci u Kokavakere lavutara. Hino o šerutno andre organizacija Lačho drom u šerutno vaš o bašavibnaskro festivalos Balval Fest.
Alexander Daško hino andal o Čierny Balog. O lavutaris, saves la kapelaha prindžaren na ča pre Slovaťiko. Sikhľolas pro konzervatorijum andre Žilina, paľis pre Pedagogciko fakulta pre Univerzita Matejoskri Beloskri. Andre Bansko Bystrica imar but berša kerel o festivalos Cigansky oheň (Romaňi jag) u ľidžal peskri bašavibnaskri škola.
E nekbareder tema andro vakeriben hin lengri buťi le lavutarenca andal o aver thema - Vladimír Sendrei u Hans Zimmer, savo iľas avri lengri kapela te bašavel andro filmos Sherlock Holmes 2: Učhaľinengro kheľiben.
Alexander daško vakerel pal o Goran Bregovič u lengro jekhetano koncertos andre Bansko Bystrica. Aver temi pro vakeriben sas o romano bašaviben pre Slovaťiko andro akanutne berša, o inšpiraciji vaj o plani vaš o avipen.
e kategorija: vakeriben
o tagi: leperiben biograficko dialog moderovano slovaťiko Alexander Daško Vladimír Sendrei Hans Zimmer Goran Bregovič sakoneske
