Roman Eštočák
kerdo: 10. 09. 2021 10:31 opre kerdo: 10. 09. 2021 10:34
O Roman Eštočak hino maškar o Roma pre Slovaťiko, saven hino o univerzitno sikhľuviben. Hino o absolventos pal e Univerzita Konštantinoskri Filozofoskri Nitrate, kaj avri phirďas e socijalno buťi. Kerelas buťi sar projektovo manažeris. Akana kerel buťi andro Kher zorarde manušeskro Slovaťiko republikatar vaš o romane komuniti. Hin les romňi u jekh čhavo.
e kategorija: vakeriben
o tagi: biograficko monolog moderovano slovaťiko Roman Eštočák sakoneske interno
Arpád Farkaš - rozprávanie
kerdo: 10. 09. 2021 08:49 opre kerdo: 08. 05. 2023 20:08
Arpád Farkaš, hudobník, klavirista, absolvent Strednej umeleckej školy v Košiciach, v súčasnosti učiteľ hudby na Základnej umeleckej škole v Rožňave a Súkromnom konzervatóriu Dezidera Kardoša v Prešove. Arpád Farkaš je aktívnym hudobníkom, hrá na klavíri a pôsobí v niekoľkých hudobných zoskupeniach, medzi nimi aj Arpád Farkaš Kvartet. Špecializuje sa na džez a vystupuje na džezových festivaloch, v kluboch či na recepciách. Jeho repertoár tvoria jeho vlastné skladby ako aj nasledujúce džezové štandardy: Wayne Shorter: Footprints (1967); Miles Davis: So What (1959); George Gershwin: Summertime (1934); Jerome Kern: All The Things You Are (1944); Miles Davis: Solar (1954); Duke Ellington: Solitude (1934), a ďalšie.
Videozáznam ponúka rozprávanie Arpáda Farkaša o džezovej scéne na Slovensku, o hudobníckej rodine, z ktorej pochádza a rómskej hudbe na Slovensku. Záznam vznikol 11.7.2013.
e kategorija: vakeriben
o tagi: leperiben biograficko monolog moderovano slovaťiko Arpád Farkaš sakoneske interno
Jozef Patkaň
kerdo: 16. 08. 2021 08:58 opre kerdo: 10. 02. 2022 10:02
Jozef Patkaň hino jekh maškar o nekh bareder romane biznismena pre Slovaťiko. Peskro biznis kerel the andre Čechiko republika, Slovenija, Rakusko the Ňemciko. Leskri buťi hiňi andre kaštuňi produkcija the ačhaviben. Del buťi the le Romenge. Hin les univerzita u o sikhľuviben vaš o romane čhavore dikhel sar but važno. Ov korkoro hino andal e bari romaňi fameľija. Leskro dad sas charťas. Eňa čhavorendar, save ačhile džide efta dženen hine uče školi.
e kategorija: vakeriben
o tagi: leperiben biograficko monolog moderovano slovaťiko Jozef Patkaň sakoneske interno
Dáša Polláková
kerdo: 29. 07. 2021 07:34 opre kerdo: 29. 07. 2021 07:41
Dáša Polláková, e aktorka u e giľavňi, e džeňi andro ansamblos andro Teatro Romathan. Andro vakeriben vakerel pal o peskro drom kijo giľavipen u kheľiben andro teatro, pal o motivaciji, pal oda, sar buchľarelas peskro talentos kana sikhľolas pre Maškarutňi umelecko škola andro Košice, the pal oda, sar forminelas e fameľija lakri profesijno orijentacija. O video sas kerdo 21.1.2014 andro Prešov, andro Teatro Alexandroskro Duchnovičoskro.
e kategorija: vakeriben
o tagi: leperiben biograficko monolog moderovano slovaťiko Dáša Polláková sakoneske interno
Gipsy Chipsy
kerdo: 22. 07. 2021 11:38 opre kerdo: 08. 12. 2021 23:37
E čhavengri grupa Gipsy Chipsy hiňi Bardejovostar, keren la štar džene. Lengro repertoaris hino kerdo le tradično romane giľendar, save hine thode andro moderno štilos. O moderno štilos andro giľavipena hino buchľardo le rapoha, giľaven slovaťika the romanes. Andro video vakeren pal oda, kana kerde e grupa, u savi hiňi lengri bašavibnaskri buťi. E dokumentacija sas Bardejovoste, 15.7.2013, u anel o čitro pal o kreaciji save kerel kadi čhavengri grupa. Pavol Pilip – o manažeris the kompozeris, Lukáš Gruif, Tomáš Mihálik – o giľaviben u rap, Ján Cina – o giľaviben.
e kategorija: vakeriben
o tagi: leperiben biograficko monolog moderovano slovaťiko Gipsy Chipsy sakoneske interno
Igor Dužda
kerdo: 21. 07. 2021 09:05 opre kerdo: 26. 07. 2021 08:21
Igor Dužda sas o jekhto romano redaktoris andro Slovaťiko radijo, kaj kerelas buťi sar o redaktoris andro narodnostno programos 17 berša. Igor Dužda agorinďas e uči škola, leskri phuri daj sas e phen la jekhto romane lekhavňake andre puraňi Čechoslovakija Elenake Lackovake. The ov pisinel o lekhavibena pal o Roma u the o romane paramisa.
e kategorija: vakeriben
o tagi: leperiben biograficko monolog moderovano slovaťiko Igor Dužda sakoneske interno
Gypsy Kubanec
kerdo: 08. 07. 2021 14:38 opre kerdo: 08. 07. 2021 14:58
Gypsy Kubanec, peskre naveha Viktor Paulovič, romano bašavno u giľado. Reprezentinel o akanutno rom-pop. Andro video vakeriben pes sikhavel sar o bašavno, savo rodel o drom sar te cirdel so nekhbuter manušen u sar te anel e loš le ritmicko bašavibnastar so nekhbuter manušenge. O vakeriben sas kerdo 25.4.2013 Myjavate.
e kategorija: vakeriben
o tagi: leperiben biograficko monolog moderovano slovaťiko sakoneske interno
O rezbara Čičavatar Imrich Goroľ
kerdo: 24. 05. 2021 09:43 opre kerdo: 01. 06. 2021 08:43
O charno vakeriben khatar o amatersko rezbaris Imrich Goroľ pal o drom kijo čhiňipen le kaštestar.
Imrich Goroľ hino andal o gav Soľ. Kerelas buťi sar o buťarno pro ačhavibena. Kijo čhiňipen le kaštestar pes dochudľas naužardes. Hino o dženo andre gospelovo kapela LOND u pro jekh kapelakro zumavipen andro Pastoračno centrum Čičavate pes prindžarďas le rezbariha Milanoha Krajňákoha, savo leske sikhaďas buter čitre u phučľas lendar, te kamenas te sikhľol e čhiňibnaskri buťi. Andro video vakerel, sar pen keren o individualna artefakta.
O vakeriben sas kerdo andro berš 2013, kana pes kerelas e dokumentacija pal o vastengre buťakro kher ROMA ART Čičava. O arakhado buťakro kher sas kerdo andro berš 2012, o inicijatoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben slovaťiko Imrich Goroľ sakoneske interno
O rezbara Čičavatar Ján Goroľ
kerdo: 24. 05. 2021 08:53 opre kerdo: 25. 05. 2021 08:31
O charno vakeriben khatar o amatersko rezbaris Ján Goroľ pal o leskro drom kijo čhiňipen le kaštestar.
Ján Goroľ hino andal o gav Soľ. Kerelas buťi sar zamočňikos, kijo kašt les ňikana nacirdelas. Andro vastengre buťakro kher u kijo čhiňipen pes dochudľas prekal e Komunita apoštoleskri Pavloskri u o rašaj Martin Mekel. Andro video vakerel pal oda, so hin o jekhetaňiben maškar o kresťansko paťaben u e vastengri buťi. Andro video vakerel the pal oda, hoj ko džanel te čitrinel, šaj te avel the o rezbaris. Nekhphareder andro čitripen hin čačes te čitrinel o jakha the o nakh. Vakerel the pal oda, sar pen keren o individualna buťa.
Ján Goroľ hino o dženo andre gospelovo kapela LOND.
O vakeriben sas kerdo andro berš 2013, kana pes kerelas e dokumentacija pal o vastengre buťakro kher ROMA ART Čičava. O arakhado buťakro kher sas kerdo andro berš 2012, o inicijatoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben slovaťiko sakoneske interno
O rezbara Čičavatar Juraj Goroľ
kerdo: 25. 03. 2021 20:25 opre kerdo: 01. 06. 2021 08:22
O charno vakeriben khatar o amatersko rezbaris Juraj Goroľ, pal o leskro drom kijo čhiňiben kaštestar.
Juraj Goroľ hino andal o gav Hlinné. Avri phirďas o dujeberšengri agrikulturno škola. Andro video zorarel, hoj kampel o učeder u kvalitno sikhľuviben. Vakerel pal oda, sar pes andro kada arakhipnaskro buťakro kher dochudľas. Kana dikhľas e buťi so kerelas o rezbaris Milan Krajňák, but oda kamelas, u the ov kamelas oda te zumavel. Nekhbuter kerel o buťa le kresťansko tematikaha, buterval o Ježišoskro muj vaj o trušula.
O vakeriben sas kerdo andro berš 2013, kana pes dokumentinelas e buťi andre vastengre buťakro kher ROMA ART Čičava. O arakhipnaskro buťakro kher sas kerdo andro berš 2012, o iniciajtoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben slovaťiko sakoneske interno
