E konferencija pal e romaňi čhib 1998
kerdo: 08. 01. 2018 10:11 opre kerdo: 27. 11. 2020 01:47
O akhariben pre maškarthemutňi konferencija pal e romaňi čhib, savi sas 21.-23.10.1998 andre Nitra. O akharibnaskro formatos hino AA, prethoďi pro formatos A5 u ľikerel o informaciji pal o programos, organizatora u organizačna inštrukciji vaš o akharde džen.
e kategorija: čitratuňipen
o tagi: sekularno materialno esteticko 2D artefakt grafika slovaťika savorenge eksterno
O grasta vaš o kamibe
kerdo: 08. 01. 2018 10:09 opre kerdo: 27. 11. 2020 01:47
O akhariben pre boňa vaš e kňižka savi pes vičhinel O grasta vaš o kamibe 2 (angleder sas O grasta vaš o kamibe 1, paľis O grasta vaš o kamibe 3) autoristar Ladislav Tavali (1948-2012). E tema andro vakeriben hino o kamiben u sar oda sas maškar o Roma u Slovaka. O autoris vakerel pal oda, so pes ačhiľas andro fameľiji Pšeňičkovo the Mézgovo. Andre kňižka hine autobijografikane elementa, o kotor pes ačhel andro Sladkovičovo, andro cukrovaros. Leskri jekhto kňižka Sajekh rat diňas avri andro berš 2007. Andro berš 2008 avri diňas e kolekcija Romane čhavorengro dživipen u andro berš 2009 lekhaďas e kňižka Šúko the Apolka.
e kategorija: čitratuňipen
o tagi: sekularno materialno buťakro 2D artefakt grafika slovaťika savorenge eksterno
Khamoro 2000
kerdo: 08. 01. 2018 10:07 opre kerdo: 27. 11. 2020 01:47
O akhariben pro maškarthemutno romano festival Khamoro. O festivalos sas kerdo andro berš 1999, andro berš 2000 o festival iľas tel o peskro vast o prezident andre Čechiko republika Václav Havel. O festivalos kerde e Jelena Silajdžić peskre romeha Džemil Silajdžićoha: Angomis e filmovo producentka u o bašavibnaskro profesoris mukhle o foros Sarajevo pal o maribnaskre konflikti andre puraňi Jugoslavija. Prahate dikhle baro na kamiben ki o romano etnikum, vaš oda kerde o maškarthemutno romano festivalos. O akhariben hino baro 14cm x 29,4cm.
e kategorija: čitratuňipen
o tagi: sekularno materialno buťakro 2D artefakt grafika čechiko savorenge eksterno
Jolán Oláh - o akhariben pre ekshibicija
kerdo: 08. 01. 2018 10:05 opre kerdo: 27. 11. 2020 01:47
O akhariben pre ekshibicija - o kotora andal o buťa so kerďas e romaňi insitno čitratuňi Jolán Oláh. O akhariben hino andro formatos A5 (21cmx14,5cm) sikavel o čitro, pisindo opre hino o than, datumos u ora kana sas e ekshibicija, phundravipnaskre ori. Sikavel the le partnerengre logo čitre.
e kategorija: čitratuňipen
o tagi: sekularno materialno buťakro 2D artefakt grafika slovaťika savorenge eksterno
Holokaust - Auschwitz-Birkenau
kerdo: 08. 01. 2018 10:03 opre kerdo: 27. 11. 2020 01:47
Akhariben pro pijetno kidipen - o leperiben pro murdarde andro romano holokaust. O akhariben andre polťiko čhib del e informacija pal o programos pro kidipen. O kidipen sas kerdo tel o arakhipen khatar o polťiko prezidentos ole beršende, Lech Walesa. O akhariben hino 10,2 cm x 30 cm baro, thodo prekal peste pro trin kotora.
e kategorija: čitratuňipen
o tagi: sekularno materialno buťakro 2D artefakt grafika polťiko angľicka savorenge eksterno
Festivalos vaš o Roma pro teluno Zemplin
kerdo: 08. 01. 2018 09:52 opre kerdo: 27. 11. 2020 01:47
O akhariben pro VI. berš Regijonalno festivalos vaš o Roma pro teluno Zemplin. O akhariben hino kolorimen, veritimen opruno, kaj hiňi e ilustracija - e romaňi džuvľi paš e jag. O akhariben hino baro 9,7 cm x 14,9 cm. Pre paluňi sera pro akhariben hine o logo čitripena khatar o sponzora. O festivalos kerel e themutnengri asocijacia Nevo drom Michalovcatar.
e kategorija: čitratuňipen
o tagi: sekularno materialno buťakro 2D artefakt grafika slovaťika savorenge eksterno
Romano drom - le Romengre droma
kerdo: 08. 01. 2018 09:25 opre kerdo: 27. 11. 2020 01:47
O akhariben pre ekshibicija savi sikavel o fotografiji khatar e romologička Eva Davidová. E ekshibicija pes vičhinel Romano drom, phundrade la 22.9.2008 andre Spišsko čitratunengri galerija andre Spišsko Nova Ves. O akhariben hino pro parno ľil, 21 cm x 10 cm bari, parňi the kaľi farba, opral hino pisindo pal e ekshibicija, thoďi hiňi e fotografija.
e kategorija: čitratuňipen
o tagi: sekularno materialno buťakro 2D artefakt grafika slovaťika savorenge eksterno
Roman Godla
kerdo: 27. 12. 2017 12:08 opre kerdo: 09. 04. 2021 09:11
Roman Godla (1974 - ) hino imar but berša o džen andro Teatro Romathan, andre leskri kheľibnaskri the khelavibnaskri sekcija. Prekal o berša andro teatros pes chudľas te interesinel buter pal e choreografija. Oda kerel the akana. Andro video vakerel pal o leskre jekhto uštara, pal o artistikane the personalna ambiciji.
e kategorija: vakeriben
o tagi: leperiben biograficko monolog moderovano romanes Roman Godla sakoneske interno
JUDr. Gustáv Karika - vakeriben
kerdo: 22. 12. 2017 08:19 opre kerdo: 27. 11. 2020 02:00
JUDr. Gustáv Karika (1930 - 2016) uľiľas pre Myjava, andre romaňi osada. Sas maškar o jekhto pravňika, Roma, andre puraňi Čechoslovakija. Andro vakeriben, savo sas kerdo 12.5.2014 andre Nevi Dubnica, kaj bešelas, vakerel pal e biografia the faktografia u o temi hine prekal e fameľija, škola, sikhľuviben, karijera, dži ki o historikane buťa, save forminde amaro geopolitikano than dujto lumakro maribnastar dži akana. Andro leskro vakeriben hine varesave termini, nava, save pen imar normalno na sikhaven andro amare školi, vaš oda anas the o charno glosaris.
Asocijacija Cigana-Roma (1969 – 1973) Sas kerdo sar e khetaňibnaskri organizacija andro avka vičhindo nevipnaskro procesos andre Čechoslovakija, o res sas te resel o ekvivalentno the na konfliktno dživipen vaš o Roma u te kovľarel e asimilacija, savi kerelas o štatos. Kana andro 1973 berš chudľas e normalizacija, e organizacija phandle.
Butiker/Nevodrom - o ekonomikane organizaciji prekal e Asocijacija Cigana-Roma. Kerelas o buťakre thana le Romenge, denas buťi romane manušenge, save sas remeselňika, kerenas o buťakre firmi.
Andrej Andrejevič Vlasov (14.9.1901 – 2.8.1946) O sovijetsko generalos, rusiko nacija. Pal o mariben vaš o Leningrad pes chudľas andre ňemciko bertene, kerelas jekhetane le nacistenca, kerďas e Rusiko slobodno aramada.
Vlasovci – o manuša save džanas pal o general Vlasov, e armada kaj sas o sovijetska slugaďa, so len chudle o Ňemci the o džene, save ke lende avle, o emigranta u ola, save na kamenas o komunizmus (stalinizmus).
Rudolf Slánský - (31.7.1901, Nezvěstice – 3.12.1952, Praha) O generalno sekretaris ÚV KSČ andro berša 1945 – 1951). Andro berš 1951 sas phukado, hoj kerel e anti štatoskri konšpiracija, andro mište prindžarde politikane procesi les bičhade pro meriben u paľis les murdarde. E kris kerďas leskri rehabilitacija andro berš 1963 u e komunistikaňi sera andro berš 1968.
e kategorija: vakeriben
o tagi: leperiben biograficko monolog moderovano slovaťiko JUDr. Gustáv Karika sakoneske interno
Romano literarno klubos
kerdo: 21. 12. 2017 15:14 opre kerdo: 27. 11. 2020 02:00
Romano literarno klubos (ROLIK) hino o khetaňiben, kaj hine o autora so lekhaven poezija the proza, u lengri inšpiracija hiňi andal o romano dživipen. ROLIK kerde andro berš 2009 andre Bansko Bystrica, prekal o mangipen khatar e Asocijacija vaš o romane inicijativi u o manuš, so oda kerďas sas Mgr. Marián Balog. O klubos kamel te prezentinel o literarna buťa le Romendar u pal o Roma. O vakeriben le dženenca andro romano literarno klubos sas kerdo andre Bansko Bystrica, 29.4.2016. Pro video hiňi e dokumentacija - o džando diskusno kotor khatar e Ivana Cicková, Mgr. Marián Balog, Milan Berko the Zlatica Rusová. O diskusno kotor sikavel, sar u so keren o autora, lengre literarna jekhto uštara. E diskusija lel e forma sar o dijalogos, savo ľidžal o Mgr. Marián Balog. Andre diskusija pen leperen o nava save phiren le prindžarde manušenge andal o romano kulturno - khetaňibnaskro svetos, so ande andre romaňi literarno the informačno - džanďi buťi.
e kategorija: vakeriben
o tagi: džaňiben diskusno vakeriben dialog humanitno slovaťiko Marián Balog - literatos Milan Berko Ivana Cicková Zlatica Rusová sakoneske interno
