Adela Orgovánová - o leperibnaskro vakeriben
kerdo: 09. 12. 2018 16:30 opre kerdo: 27. 11. 2020 02:00
E Adela Orgovánová (1936-) hiňi Perješistar, kaj dživel savoro lakro dživipen. Ochto beršengri predžidžiľas e raťi, kana o Sovijeta bombardinde o Prešov. O bombi pro foros čhide 20.12.1944, perenas buter sar 70 minuti. Na džanel pes, keci manušen murdarde, oficijalno Perješiste parude 140 dženen. O bombi save čhivenas, prindžarde the sar o Stalinoskre momeľa, phagerde baro kotor khera andro foros. E Adela Orgovanovo peske leperel, sar oj la fameľijaha ola bombi predžidžile. Leperel pro dživipen andro Prešov andro Dujto lumakro mariben the pal o mariben - vakerel pal peskri fameľija, pal o čhavorikaňipen, pal o peskre terne berša, e buťi, the pal o mangipena, čoripen, amaľipen the pal o moľipena.
e kategorija: vakeriben
o tagi: leperiben biograficko monolog moderovano slovaťiko sakoneske interno
Marco Pillo - Enamorado soy
kerdo: 09. 12. 2018 16:28 opre kerdo: 27. 11. 2020 02:00
Marco Pillo avri sikhľiľas te bašavel pre cimbalma pro pražsko konzervatorijum, paľis the te bašavel pre klasicko gitara. Kana phirelas andre škola andre Barcelona, prindžarďas o romano flamenco, savo paľis forminďas leskro bašaviben. O digitalno kulturno objektos sikavel leskri interpretacija, e giľi hiňi Enamorado soy (Som kamado), savi kerďas o Canut Reyes (peskre naveha Francois Reyes) andro berš 1989 vaš o leskro jekhto solo albumos ole beršestar, Bolero. Ola giľaha kamelas te del paťiv bare kompozitoriske Maurice Raveloske.
e kategorija: bašaviben
o tagi: vokalno-inštrumentalno moderno flamenco solo špaňijelska Marco Pillo sakoneske interno
Marco Pillo - Bulería
kerdo: 09. 12. 2018 16:25 opre kerdo: 27. 11. 2020 02:00
Marco Pillo avri sikhľiľas te bašavel pre cimbalma pro pražsko konzervatorijum, paľis the te bašavel pre klasicko gitara. Kana phirelas andre škola andre Barcelona, prindžarďas o romano flamenco, savo paľis forminďas leskro bašaviben. O digitalno kulturno objektos hino o video, pre savo giľavel e Bulería. E bulería hiňi nekh buter charakteristicko flamenco štilos, andal o foros Jerez de la Frontera (o foros, kaj uľiľas o flamenco, Andaluzia, Španielsko). Nekh buter e kompozicija hiňi trine vaj štare ochto slabično veršendar. Ada bašaviben phirel maškar o nekh buter kompleksna kheľibnaskre the gitarova štili: džido, bachtalo the baro. E bulería pes normalno bašavel pro kheľiben kana agorinel e flamenco party.
e kategorija: bašaviben
o tagi: vokalno-inštrumentalno moderno flamenco solo špaňijelska Marco Pillo sakoneske interno
Michal Bársony - O čitripen
kerdo: 05. 12. 2018 20:20 opre kerdo: 27. 11. 2020 02:00
Uľiľas andre Kunovo Teplica, andro okres Rožňava. Andre fameľija pes vakerelas ungrika, e tradicija sas e charťikaňi buťi the o bašaviben. O čitratuňipen the e rusiko čhib sikhľiľas avri pre Pedagogicko fakulta pre Univerzita Matejoskri Beloskri andre Bansko Bystrica. O postgradualno študijum kerďas pre Pedagogicko fakulta pre Univerzita Konštantinos Filozofoskri andre Ňitra, kaj chudľas o titulis PaedDr. Čitrinel farbenca the tuškenca, nekh buter leskre temi hine sakralna, sikra frimeder o džuvľikane portreta the o avrutne thana. Sar o pedagogos sikhavelas pro zakladna, maškarutne the uče školi, buter berša kerelas buťi the pro Themeskro pedagogicko inštitutos Bratislavate.
e kategorija: vakeriben
o tagi: biograficko monolog moderovano slovaťiko Michal Bársony sakoneske interno
Marco Pillo - Soledad
kerdo: 05. 12. 2018 20:16 opre kerdo: 27. 11. 2020 02:00
O kompozeris, o giľavno, gitaristas the cimbalistas Marco Pillo giľavelas pre prezentacija vaš e giľutnengri kňižka khatar o Dušan Onody, savi pes vičhinel Tuke, ča Tuke, pro 31.03.2014 pre Cikňi scena andro Teatro Jonaš Zaborsky, kaj pes the kerďas kadi dokumentacija. E giľi Soledad - Korkoripen hiňi e špaňielsko giľil. E laudativno giľi Soledad hiňi e lokhi flamenco giľi.
e kategorija: bašaviben
o tagi: vokalno-inštrumentalno moderno flamenco trio Marco Pillo Duo Farsa sakoneske interno
Tomáš Botló - „Mange mištes“
kerdo: 22. 10. 2018 10:17 opre kerdo: 27. 11. 2020 02:00
Tomáš Botló - giľavel u bašavel, amaterikanes bašavel pre gitara, no nekh buter pre zongora, oda sikhľolas pro Themeskro konzervatorijum andre Braťislava. Kerel peskre autorska giľa, khere peske kerďas o študijo, u hino the but lačho hangoskro technikos. Tomáš del jekhetanes o romano bašaviben the o moderna žanri, sar hine o džez, funk, hip-hop, latino, flamenco, pop tu oda žanrovo sinkretizmus lestar kerel buchlo multikulturno the multižanrovo bašaldes. Kerelas jekhetanes buter slovaťika the avrune raperenca the artistenca. E giľi savi giľavel o Tomaš Botló "Mange mištes" hiňi e cover verzija /Zámbó Jimmy/. O lava kerďas o Tomáš Botló. E giľi giľavel u bašavel pre gitara, andro khetaňibnaskro kulturno kher andro Hubice, okres Dunajská Streda.
e kategorija: bašaviben
o tagi: vokalno-inštrumentalno moderno rom-funk solo averestar slovaťiko Tomáš Botló sakoneske interno
Miroslav Rác - Magic
kerdo: 22. 10. 2018 10:10 opre kerdo: 27. 11. 2020 02:00
Miroslav Rác hino o absolventos andal o konzervatorijum andro Topoľčany, kaj sikhľiľas te bašavel pro klaviri. Leskro artistikano nav hin BG /bí dží/ u kerel o štilos gangster romano hip-hop. Pro klaviris bašavel dešutrine beršendar. Akana giľavel, kerel rap, kerel o giľa the o inštrumentalna bašavibena vaš o klaviris, save ov korkoro the bašavel. E giľi bašaďas pro džezovo koncertos, savo sas dokumentimen andro Kulturno kher andro gav Želiezovce. E inštrumentalno giľi "Magic" hiňi andal o autorsko keriben khatar o Miroslav Rác. O solo pro bubni bašavel o Miroslav Talpáš u o solo pre basovo gitara bašavel o Anton Bukai.
e kategorija: bašaviben
o tagi: inštrumentalno moderno rom-jazz trio originalno Miroslav Rác Anton Bukai Miroslav Talpáš sakoneske interno
Michal Bársony - o pedagogos the o čitratuno
kerdo: 12. 10. 2018 09:17 opre kerdo: 27. 11. 2020 02:00
Uľiľas andro gav Kunova Teplica, andro okresis Rožňava. Leskri jekhto čhib fameľijatar sas ungriko, e tradicija andre fameľija sas te kerel e charťikaňi buťi the te bašavel. O čitratuňipen the e rusiko čhib avri phirďas pre Pedagogicko fakulta pre Univerzita Matejoskri Beloskri andre Bansko Bystrica. O postgradualno študijum kerďas pre Pedagogicko fakulta pre Konštantin Filozofoskri Univerzita Nitrate, chudľas o titulis PaedDr. Kerel o čitripen le farbenca the linicjenca, andre leskri buťi hin nekh buter o sakralna temi, frimeder o džuvľikane portreta the o phuvora. Sar o pedagogos sikhavelas pro zakladna, maškarutne the uče školi, varesave berša the andro Themeskro pedagogicko inštitutos Bratislavate. Pro video hin sar vakerel, savo hino o procesos kana kerelas o čitro so pes vičhinel Anjel, savi technika kerďas, savo hino o materijalos the khatar u sar leske avľas pre goďi e tema u lakri vizualizacija.
e kategorija: vakeriben
o tagi: leperiben biograficko monolog moderovano slovaťiko Michal Bársony sakoneske interno
O Jozef Ferko the e Dáša Polláková
kerdo: 08. 10. 2018 16:55 opre kerdo: 27. 11. 2020 02:00
E dokumentacija sas kerďi pre Cikňi scena andro Teatros Alexander Duchnovič andro Prešov. Pro koncertos sas o romane giľa tradična u autorska, o kompoziciji khatar o Ondrej Ferko, Jozef Ferko the e grupa Kmeťoband. O giľa giľavel e Dáša Polláková u o Jozef Ferko sar o solo the andro giľade dueti. O autoris the o interpretos pre gitara hino o Jozef Ferko. Soduj interpreta hine o aktivna džene andro Teatro Romathan andro Košice.
e kategorija: bašaviben
o tagi: vokalno-inštrumentalno moderno mix duo averestar romanes Jozef Ferko Dáša Polláková sakoneske interno
E bengaľi lavuta the o akharde džene
kerdo: 08. 10. 2018 15:49 opre kerdo: 27. 11. 2020 02:00
O ekstra koncertos kerďas o orchestros E bengaľi lavuta the lengre akharde džene kaj penge te leperen pro Ján Berky Mrenica phureder (11.5.1939, Očová - † 12.10.2008) the leskre na dodžide 75 berša Bratislavate, 18.11.2014. Ján Berky Mrenica phureder sas o lavutaris a kerelas o kompoziciji. Kerďas o orchestros E bengaľi lavuta, kaj e prima pal oda, so ov muľas, iľas leskro čhavo Ján Berky Mrenica terneder. O khetaňiben les prindžarelas prekal oda, hoj reprezentinelas o slovaťiko folklorno bašaviben a sas o šerutno andro orchestros SĽUK (O Slovaťiko folklorno džaňibnaskro kolektivos), kerelas the but televizna bašavibnaskre programi. Kidelas opre the o romane giľa, save andro berš 1993 diňas avri andre kňižka tel o nav Nane oda lavutaris. Andre peskri bašavibnaskri kreativno buťi kerelas jekhetanes buter slovaťika giľavnenca (Martin Babjak, Jana Kocianová the aver) the bašalde dženenca. Vaš o leskre bare buťa andre kultura pre Slovakija chudľa o moľipena: 1995 - O Slovaťiko bičhado, 1997 - O Pribinoskro trušul, 1997- Slovak Gold, 2003 - E krištaľovo phak vaš o berš 2002, 2003 - O moľipen le forostar Zvolen vaš o savori dživipnaskri buťi, 2004 - O paťivalo moľipen vaš e dekada Slovak Gold, 2006 - O moľipen andal o Banskobystricko peskro rajipnaskro regijonos, Somnakuno CD vaš o albumu O primašoskro suno, savestar bikenďas buter sar 5 000 kotora. Te del paťiv ole lavutareske, vaš oda sas o koncertos savo ľidžalas o Ján Berky terneder the E bengaľi lavuta, maškar o akharde džene sas e Jana Hubinská, Jana Orlická, Marián Čekovský, Martin Valihora, Milan Godla, Ondrej Ferko the aver. O video anel lengro bašaviben the giľavipen.
e kategorija: bašaviben