Duo Farsa - Koncertos
kerdo: 01. 12. 2017 13:40 opre kerdo: 27. 11. 2020 02:00
Pro video hino o koncertos vaš o manuša, so bašavelas o gitarengro duo, Duo Farsa. O gitarengro duo bašavel peskre emotivna kompoziciji butere žanrendar, nekh buter hine o špaňijelika ritmi, flamenco. Andro duo hine duj virtuozna romane bašalde, o František Godla u o Dušan Onody andal o Sabinov.
e kategorija: bašaviben
o tagi: inštrumentalno moderno rom-pop duo original autoristar Duo Farsa sakoneske interno
Nataša Slobodníková - o vakeriben
kerdo: 22. 10. 2017 21:38 opre kerdo: 27. 11. 2020 02:00
Nataša Slobodníkova - Miro dživipen. Lakro leperibnaskro vakeriben hino ulado andro buter kapitoli. Andre sako peske leperel pro bare uštara u keribena andro lakro dživipen, le čhavoripnastar, prekal e fameľija, škola, angle revolucija the pale revolucija, dži ki o aktivizmus u vazdipnaskre aktiviti save kamen te lačharel o dživipen le Romenge. Hiňi e šerutňi andre Krajsko asocijacija vaš o romane inicijativi, savi bešel andre Bansko Bystrica.
e kategorija: vakeriben
o tagi: leperiben biograficko monolog moderovano slovaťiko Nataša Slobodníková sakoneske interno
Štefan Banyák - o vakeriben pal o bašaviben
kerdo: 22. 10. 2017 21:33 opre kerdo: 27. 11. 2020 02:00
O Štefan Banyák (1938-) hino o romano lavutaris, bašavel pre lavuta. Hino o fundamentalno dženo andro Orchestros romane lavutarengro andal e Dunajsko Streda, akana o Bihariskro orchestros u o šerutno organizatoris vaš o Bihariskre ďivesa, o kidipen savo pes sako berš kerel andre Dunajsko Streda. O lavutaris hino o šerutno andro Themutnengri organizacija: O dunajskostredakre romane lavutara. Akana nekh buter kerel buťi le terne romane lavutarenca u mekh hino aktivno u bašavel pro buter bašavibnaskre kidipena.
e kategorija: vakeriben
o tagi: leperiben biograficko monolog moderovano slovaťiko Štefan Banyák sakoneske interno
Magicko harangocis
kerdo: 29. 09. 2017 15:38 opre kerdo: 27. 11. 2020 02:00
E originalno paramisi, inscenacija vaš o čhavore the terne. E 69. premijera andro Teatro Romathan, sikaďi 18.3.2016, 10:00 orendar andro than, kaj bešel o Teatro Romathan pre Štefanikovo uľica andro Košice. E paramisi sikavel, sar kampel te ľikerel e fameľija, o kamiben maškar e fameľija. E čhib: slovaťiko. E čhib andro giľa: slovaťika, romanes. Režia: Marián Balog. Scena: Juraj Vaňo. Bašaviben: Karel Adam. Choreografia: Eva Adamová. Gada: Lenka Adamová. Špecifikum: e choreografia hiňi kerďi sar o scenicko kheľiben, bi o tipicka romane kheľibnaskre elementi.
e kategorija: e drama
o tagi: teatros komedija giľaha pre scena adaptacija slovaťiko Romathan čhavore the terne interno
Milan Godla - Romathan u leskri misija
kerdo: 29. 09. 2017 15:22 opre kerdo: 27. 11. 2020 02:00
Milan Godla, hercos, giľave, prethovel, kerel o scenara u dramaturgija, kerďas o jekhto uštara andre peskri karijera andro amatersko suboris vaš o herci u o giľutne andro Prešov. Le beršestar 1992 hino andro teatro Romathan. Peskri kvalifikacija chudelas tel o dikhipen khatar e Daniela Hivešova-Šilanova, savi kerďas o teatro Romathan. Akana hino pro peskro than andro jekh profesijonalno romano teatro pre Slovaťiko. Milan Godla vakerel pal oda, sar sas kerdo o teatro, savi hiňi leskri misija u so anel andro khetaňiben.
e kategorija: vakeriben
o tagi: leperiben biograficko monolog moderovano Milan Godla slovaťiko sakoneske interno
Kmeťoband - čačo romano bašaviben
kerdo: 04. 08. 2017 15:21 opre kerdo: 27. 11. 2020 02:00
Kmeťoband - e grupa, savi andro berš 1999 kerde o Igor Kmeťo phureder u o Igor Kmeťo terneder. O dad u o čhavo. O Igor Kmeťo phureder hino o manažeris vaš e grupa, o Igor Kmeťo terneder bašavel pro sintetizatoris, saksofonos, giľavel u kerel o bašavibnaskre aranžmani. E grupa lel o temi andal o dživipnaskre prindžaripena u sitaciji - o kamiben, o pharipen, o ternengro dživipen. Buchleder ačhile prindžarde maškar o šuňibnaskre džene le akanutňa popularna bašavibnaskre žanrengre kana lačhes kerenas jekhetane le prindžarde rapereha Rytmusoha. O giľa hine zorales temperamentna u emotivna. O žanros hino o rom-pop, nekh buter o kheľibnaskro bašaviben. O vakeriben hino pal oda, so o Igor Kmeťo phureder the Igor Kmeťo terneder personalno gindinen pal e romaňi muzika, pal o but formi so la hin, e historija, o vazdipen u pal o akanutne bašavibnaskre trendi.
e kategorija: vakeriben
o tagi: leperiben faktograficko monolog moderovano slovaťiko Igor Kmeťo st. Igor Kmeťo ml. sakoneske interno
Martin Kaleja - o čitratuňipen
kerdo: 04. 08. 2017 11:14 opre kerdo: 27. 11. 2020 02:00
Martina Kaleja-Januv (1984-) uľiľas andre romaňi osada Jarovňicate, kaj bešel. Ki o čitratuňipen peske arakhľas o drom kana sas pre zakladno škola, kaj les sikhavelas Ján Sajko, o sikhavno pro čitratuňipen. Paľis phirelas pre Maškarutňi umelecko škola andro Prešov, pre špecijalizacija dizajn u buťi le kašteha. Čitrinel u čhinel avri le kaštestar. Andro' da leskri nekh bareder tema hiňi sakralno - o paťaben andro Del. O dokumentos sikavel, sar pes kerel o čitro - o čitro le angaroha. Buťi kerel sar o asistentos le sikhavneskro pre Zakladno škola Jarovňicate.
e kategorija: čitratuňipen
o tagi: sekularno materialno artistikano 2D artefakt čitro slovaťiko Martin Kaleja sakoneske interno
Bengalo čapašis
kerdo: 03. 08. 2017 15:19 opre kerdo: 27. 11. 2020 02:00
E teatroskri premijera Bengalo čapašis sikavel le terne čhavoren, sar oda hin andre škola, andro than, kana phirena, kana musaj imar te sikhľol. Paľis sikhavel e luma, kaj hiňi le bengen lengri škola, u kaj chuden laťhe znamki kana aven andre škola na sig, chuden pandž the aver... O charakteri hine eksplicitna čitrinde, terďon jekh anglo aver, hine pozitivna the negativna u avka andre kada teatros le giľenca sikaven, sar pes kampel te ľikerel andre škola the pro aver thana. O žanros: o teatros le giľenca, e paramisakre motivi, e čhib: slovaťiko: scena: klasicko, rekvizitarno, o teatros hino interaktivno.
e kategorija: e drama
o tagi: teatros komedija giľaha pre scena originalos slovaťiko Romathan čhavore the terne interno
Jozef Fečo - o čitratuňipen
kerdo: 03. 08. 2017 15:14 opre kerdo: 27. 11. 2020 02:00
Jozef Fečo čitrinel o portretos. O video dokumentos sikavel, sar čitrinel o portretos. O manuš pro portretos hino Joaquín Cortés, khelel (balet, flamenco, kheľibnaskri fuzija), uľiľas andro berš 1969 andro Španielsko, hino prindžardo the olestar, hoj buterval khelelas le prindžarde manušendar andal e lumakri pop kultura. O portretos hino 120 cm buchlo, 100 cm učo. O materijalos telal: sadrokarton. Technika: čitripen, kalo - sivo - parno spektrum. Štilos: pop-art. O čitro hino jekh maškar o dešutrin portreta, pre save hine o lumakre prindžarde džene so sas/hine Roma, kerdo sas prekal o prijoritno projektos khatar o MK SR, savo pes vičhinelas Džide kňižki: o lav - o čitro - o hangos, maškar o 04/2015 - 05/2015. Jozef Fečo čitrinel o portretos. O video dokumentos sikavel, sar čitrinel o portretos. O manuš pro portretos hino Joaquín Cortés, khelel (balet, flamenco, kheľibnaskri fuzija), uľiľas andro berš 1969 andro Španielsko, hino prindžardo the olestar, hoj buterval khelelas le prindžarde manušendar andal e lumakri pop kultura. O portretos hino 120 cm buchlo, 100 cm učo. O materijalos telal: sadrokarton. Technika: čitripen, kalo - sivo - parno spektrum. Štilos: pop-art. O čitro hino jekh maškar o dešutrin portreta, pre save hine o lumakre prindžarde džene so sas/hine Roma, kerdo sas prekal o prijoritno projektos khatar o MK SR, savo pes vičhinelas Džide kňižki: o lav - o čitro - o hangos, maškar o 04/2015 - 05/2015.
e kategorija: čitratuňipen
o tagi: sekularno materialno artistikano 2D artefakt čitro slovaťiko Jozef Fečo sakoneske interno
O teatros Romathan - Čirikloro Mirikloro
kerdo: 07. 04. 2016 09:49 opre kerdo: 27. 11. 2020 01:54
O teatro khelelas e paramisi „Čirikloro Mirikloro” pro motivi andal e paramisi khatar e Daniela Hivešová-Šilanová, khelďas o romano profesijonalno teatros Romathan andal o Košice. O teatros lel o didakticko res u hino nekh buter vaš o čhavore. Khelelas pes andro Teatro Romathan andro Košice.
e kategorija: e drama
o tagi: teatros parimisi giľaha pre scena adaptacija slovaťiko romanes Romathan čhavore the terne interno
