Rezbári Čičava Lukáš Jarka
kerdo: 06. 08. 2021 09:46 opre kerdo: 06. 08. 2021 09:48
O charno vakeriben khatar o amatersko rezbaris Lukáš Jarka pal o leskro drom kijo čhiňipen le kaštestar.
Lukáš Jarka hino andal o gav Čičava. Andro čhiňibnaskre buťakro kher pes dochudľas prekal o peskro dad, savo odoj kerelas sar o majstros, vašoda hoj sas avri sikhado stoľaris. Vakerel pal e komparacija maškar peskri buťi the le dadeskri buťi. Phenel, hoj ov buter džal pal o detaila, sar leskro dad. Andro video phenel the sar pen keren o konkretna čhiňibnaskre buťa.
O vakeriben sas kerdo andro berš 2013, kana pes kerelas e dokumentacija pal o vastengre buťakro kher ROMA ART Čičava. O arakhado buťakro kher sas kerdo andro berš 2012, o inicijatoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben romanes Lukáš Jarka sakoneske interno
Žaneta Štipáková - Čhajori romaňi
kerdo: 09. 07. 2021 10:11 opre kerdo: 09. 07. 2021 10:12
E Žaneta Štipáková, e herečka the e giľavňi andal o Teatro Romathan, giľavel e folklorno giľi Čhajori romaňi, bašavel o avri sikhľardo klaviristas, o sikhavno pro zakladna umelecka školi, o kompozeris the o romano hip-hoperis Miroslav Rác, savo giľavel tel o umelecko pseudonimos BG. E giľi Čhajori romaňi hiňi vareso sar e himna vaš o slovaťika Roma, hiňi pal o dujto lumakro mariben the romano holokaust. O video sas kerdo pro 24.08.2015 andro Prešov, prekal o kidipen E Džiďi kňižka: o lav - o čitro - o hangos, save kerďas e Štatno džaňibnaskri kňižňica andro Prešov paš o leperibnaskro ďives pro romano holokaust.
e kategorija: bašaviben
o tagi: vokalno-inštrumentalno moderno folklorno solo originalno romanes Žaneta Štipáková Miroslav Rác sakoneske interno
Žaneta Štipáková - Devla miro
kerdo: 09. 07. 2021 09:54 opre kerdo: 09. 07. 2021 09:57
E Žaneta Štipáková, e herečka the e giľavňi andal o Teatro Romathan, giľavel e rom-pop giľi Devla miro, bašavel o avri sikhľardo klaviristas, o sikhavno pro zakladna umelecka školi, o kompozeris the o romano hip-hoperis Miroslav Rác, savo giľavel tel o umelecko pseudonimos BG. E giľi Devla miro, prekal o lava the e melodija, perel andre kategorija, kaj hine o phare, laudativna giľa. O video sas kerdo pro 24.08.2015 andro Prešov, prekal o kiipen E Džiďi kňižka: o lav - o čitro - o hangos, save kerďas e Štatno džaňibnaskri kňižňica andro Prešov paš o leperibnaskro ďives pro romano holokaust.
e kategorija: bašaviben
o tagi: vokalno-inštrumentalno moderno rom-pop solo averestar romanes Žaneta Štipáková Miroslav Rác sakoneske interno
Žaneta Štipáková - Khonik naj Devla kada sar Tu
kerdo: 09. 07. 2021 09:01 opre kerdo: 09. 07. 2021 09:04
E Žaneta Štipáková, e khelaďi the e giľavňi andal o Teatro Romathan, giľavel e giľi Khonik naj Devla, kada, sar Tu, savi iľas andal o repertoaris savo phirel le rašajeske andal e londinsko romaňi khangeri (London Gypsy Church, United Kingdom: www.lgcuk.com), savo pes vičhinel Ricardo Kwiek. O lava len inšpiracija khatar o biblicko žalmos. E čhib hiňi romaňi, Kalderaš. Bašavel o avri sikhľardo klaviristas, o sikhavno pro zakladna umelecka školi, o kompozeris the o romano hip-hoperis Miroslav Rác, savo giľavel tel o umelecko pseudonimos BG. O video sas kerdo pro 24.08.2015 andro Prešov, prekal o kidipen E Džiďi kňižka: o lav - o čitro - o hangos, save kerďas e Štatno džaňibnskri kňižňica andro Prešov paš o leperibnaskro ďives pro romano holokaust.
e kategorija: bašaviben
o tagi: vokalno-inštrumentalno moderno rom-pop solo averestar romanes Žaneta Štipáková Miroslav Rác sakoneske interno
Žaneta Štipáková - Khangeri
kerdo: 09. 07. 2021 08:24 opre kerdo: 09. 07. 2021 08:41
E Žaneta Štipáková, e khelaďi the e giľavňi andal o Teatro Romathan, giľavel e giľi Khangeri, savi iľas andal o repertoaris savo phirel le rašajeske andal e londinsko romaňi khangeri (London Gypsy Church, United Kingdom: www.lgcuk.com), savo pes vičhinel Ricardo Kwiek. O lava len inšpiracija khatar o biblicko žalmos. E čhib hiňi romaňi, Kalderaš. Bašavel o avri sikhľardo klaviristas, o sikhavno pro zakladna umelecka školi, o kompozeris the o romano hip-hoperis Miroslav Rác, savo giľavel tel o umelecko pseudonimos BG. O video sas kerdo pro 24.08.2015 andro Prešov, prekal o kidipen E Džiďi kňižka: o lav - o čitro - o hangos, save kerďas e Štatno džaňibnskri kňižňica andro Prešov paš o leperibnaskro ďives pro romano holokaust.
e kategorija: bašaviben
o tagi: vokalno-inštrumentalno moderno rom-pop solo averestar romanes Žaneta Štipáková Miroslav Rác sakoneske interno
Sabrosa - Geľom mange pro Čechi
kerdo: 02. 10. 2020 12:52 opre kerdo: 27. 11. 2020 02:00
E giľi Geľom mange pro Čechi phirel kijo kheľibnaskre giľa andro romano folklor. Pro video giľavel e grupa Sabrosa. E vokalno-inštrumentalno grupa Sabrosa pes kerďas andro gav Raslavice andro okres Bardejov. Originalno andre late sas trin giľavne u inštrumentalistki. Akana e Sabrosa hiňi o pheňakro duo: Aneta Duždová - e šerutňi giľavňi, Jana Duždová - e gitara, o giľavipen.
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
Sabrosa - Čhajori romaňi
kerdo: 28. 09. 2020 16:18 opre kerdo: 27. 11. 2020 02:00
Čhajori romaňi hiňi dža akana e himna vaš o slovaťika Roma. E giľi sas kerďi andro dujto lumakro mariben, hiňi pal o pharipena so tirinde o Roma andro buťakre u koncentračna tabora. E giľi hiňi lokhi, phare voďakri. E muzikakri grupa Sabrosa ľikerel e ritmika u o charakteris ola giľakro. E vokalno-inštrumentalno grupa Sabrosa hiňi andal o gav Raslavice andro okres Bardejov. Originalno grupa sas kerďi trine giľavnendar u inštrumentalistkendar. Akana e Sabrosa bašavel sar o pheňengro duo: Aneta Duždová – e šerutňi giľavňi, Jana Duždová – e gitara, o giľavipen. Bašaven: Július Hudi (e cimbalma), Alexander Bunda (e viola), Vojto Bunda (e bari bugova), Miloš Goroľ (e lavuta).
e kategorija: bašaviben
o tagi: vokalno-inštrumentalno moderno folklorno solo originalno romanes Sabrosa sakoneske interno
O bijav
kerdo: 16. 09. 2020 20:28 opre kerdo: 27. 11. 2020 02:00
E vokalno-inštrumentalno giľa O bijav avka, sar la bašavel u giľavel e muzikakri grupa Sabrosa phirel kijo romano folklor. O lava andre giľi vakeren pal o bijav u lačhi voja le Romenge. E ritmika the o lava andre giľi hine tipicka vaš o bachtale giľa. E vokalno-inštrumentalno grupa Sabrosa hiňi andal o gav Raslavice andro okres Bardejov. Originalno grupa sas kerďi trine giľavnendar u inštrumentalistkendar. Akana e Sabrosa bašavel sar o pheňengro duo: Aneta Duždová – e šerutňi giľavňi, Jana Duždová – e gitara, o giľavipen. O lavutara: Július Hudi (e cimbalma), Alexander Bunda (e viola), Vojto Bunda (bari bugova), Miloš Goroľ (lavuta).
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
Čhajori romaňi
kerdo: 10. 09. 2020 19:58 opre kerdo: 27. 11. 2020 02:00
Čhajori romaňi hiňi dža akana e himna vaš o slovaťika Roma. E giľi sas kerďi andro dujto lumakro mariben, hiňi pal o pharipena so tirinde o Roma andro buťakre u koncentračna tabora. E giľi hiňi lokhi, phare voďakri. E muzikakri grupa Sabrosa ľikerel e ritmika u o charakteris ola giľakro. E vokalno-inštrumentalno grupa Sabrosa hiňi andal o gav Raslavice andro okres Bardejov. Originalno grupa sas kerďi trine giľavnendar u inštrumentalistkendar. Akana e Sabrosa bašavel sar o pheňengro duo: Aneta Duždová – e šerutňi giľavňi, Jana Duždová – e gitara, o giľavipen.
e kategorija: bašaviben
o tagi: vokalno-inštrumentalno moderno folklorno duo originalno romanes Sabrosa sakoneske interno
Namaren man
kerdo: 10. 09. 2020 15:47 opre kerdo: 27. 11. 2020 02:00
E giľi Namaren man hiňi andal o repertoaris, savo giľavelas o romano giľavno andal e puraňi Jugoslavija, o Šaban Bajramovič (16.4.1936 – 8.6.2008), savo la giľavelas tel o nav Pira mange korkoro. E giľi hiňi komponovano andro špecificko štilos savo pes vičinel balkansko romano džez. Avka, sar la giľavel e Sabrosa, le melodicko varijacijenca u sikra aver lavenca, hiňi folklorizovano. E vokalno-inštrumentalno formacija Sabrosa hiňi andal o gav Raslavice andal o okresis Bardejov. Originalno andre formacija sas trin giľade u inštrumentalistki. Akana e Sabrosa hiňi sar o pheňengro duo: Aneta Duždová – e šerutňi giľavňi, Jana Duždová – gitara, giľavipen.
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
