Michal Mižigár
kerdo: 16. 04. 2024 07:36 opre kerdo: 16. 04. 2024 07:36
Michal "Mižu" Mižigár uľiľas andre romaňi fameľija pal e Slovaťiko, savi pal o Dujto lumakro mariben geľas khatar o gava pro Opruno Spiš te bešel pro Čechi. E maturita kerďas pre Biznis akademija andro Písek, dureder sikhľolas pre Karlovo univerzita Prahate pre Filozoficko fakulta, kaj andre špecijalizacija romistika doresľas o titulos sar bakalaros. Akana sikhľol pre Maškareuropakri univerzita (angomis andre Budapešť, Ungriko, paľis andre Viedeň, Rakusko) pro magistersko učipen, e špecijalizacija andre komparativno historija. Kana pes kerelas o vakeriben, bešelas andre Bari Britanija, kaj kerelas buťi andro timos pro projektos Roma of Great Abilities, kaj kerelas e buťi le sikhavnenca save sikhaven le romane čhavoren so avle pal o Čechi the Slovaťiko. O vakeriben hino pal leskro dži akanutno dživipen, e buťi u prindžaripena.
e kategorija: vakeriben
o tagi: leperiben biograficko monolog korkoro romanes Michal Mižigár sakoneske interno
E džiďi kňižka – Gitana – Adriana Drafiová
kerdo: 12. 04. 2024 09:11 opre kerdo: 12. 04. 2024 09:12
O formatos "E džiďi kňižka" sikhavel la prindžarďa romaňa giľavňa Adriana Drafiovo, savi giľavel tel o nav Gitana. O video sas kerdo andro novembros 2021 u sas andre televizija RTVS sar e ekskluzivno premijera. E dramaturgija prezentinel e Gitana sar e džiďi kňižka, savi amenge vakerel pal lakro dživipen la muzikaha, the pal o bašaviben sar pal e fameľijakri tradicija. Andro video giľavel o tradična romane u ungrika giľa, bašavel lake e fameľijakri cimbalovo kapela Ďusi Band Perješistar.
Baro talentos pro bašaviben chudľas le dadestar the le papustar, soduj džene sas prindžarde romane lavutara. Lakri inšpiracija sas o giľavne sar Whitney Houston, Mariah Carey, vaj e Barbra Streisand. Sar dešueftaberšengri chudľas o jekhto šajipen te giľavel avri. Jekhto sas o Švajčiarsko, paľis, sar e giľavňi, geľas prekal o baro kotor Europa. Giľavelas the anglo celebriti prindžarde andre luma, sar e Tina Turner, Claudia Schiffer, David Copperfield, vaj Boris Becker. Andro Ungriko giľavelas le prindžarde giľavneha Jozefoha Szaboha u paľis chudľas lakri but beršengri buťi la kapelaha Kmeťoband.
Imar paľis chudľas te kerel o nevo štilos - elektro swing u gypsy swing, andre soste lake pomožinel lakro muzikakro producentos Slavo Solovič. Maškar lakre aver muzikakre doresipena hin e titulno giľi andre slovaťiko čhib kije animovano paramisi Láva andal e produkcija andal o filmovo študijo Disney. E giľi hiňi o duet le giľavneha andal e kapela Korben Dallas, le Juraj Benetinoha.
Giľavel solo, vaj la kapelaha.
O video sas kerdo 19.11.2021 andro Prešov andro Centrum vaš e slobodno kultura Wave pre Hlavno uľica. Adriana Dráfiová- giľavel, Július Bandy - e cimbalma, Samuel Bandy - e lavuta, Roland Horváth - klarinet, saksofon, Kristián Bandy - e viola, Július Bandy terneder - bari bugova, o lava - Eduard Čonka.
e kategorija: vakeriben
o tagi: leperiben biograficko monolog moderovano slovaťiko Adriana Drafiová Gitana sakoneske interno
E džiďi kňižka - E folklorno kapela Július Žigaskri
kerdo: 12. 04. 2024 07:48 opre kerdo: 12. 04. 2024 07:49
O formatos "E džiďi kňižka" sikhavel la prindžarďa romaňa banda Žigovci andal e Gelňica. O video sas kerdo andro decembros 2021 u ela andre televizija RTVS sar e ekskluzivno premijera. E dramaturgija prezentinel le Július Žiga, le manušes savo zathodža kadi banda. Ov vakerel le manušenge pal peskero dživipen, u the pal o da sar e banda zathodža, save giľa bašaven the savo than hin le bašavišagos andre leskeri fameľija.
E kapela keren o džene andal e Žigaskri fameľija Gelnicatar: o dad Július, leskre čhave e Bohdana u o Filip. O napermanentna džene hine Vladimír Plachetka, Kristián Bandy the Július Bandy. Savore avri phirde o konzervatoriji, bašaven profesijonalno. E Bohdana Žigovo the o Filip Žiga sas maškar o štipendista andre organizacija Divé maky.
E giľi Ajsi terňi džuvľi hiňi e lokhi, pharipnaskri giľi.
Ko pre soste bašavel: Július Žiga - e bari bugova, Bohdana Žigová- e cikňi bugova, giľavel, Filip Žiga - e lavuta, Július Bandy - e cimbalma, Kristián Bandy - e viola, Vladimír Plachetka - o akordeonos.
O video sas kerdo 11.12.2021 andro Centrum vaš e slobodno kultura Wave andro Prešov.
e kategorija: vakeriben
o tagi: leperiben biograficko monolog moderovano slovaťiko Július Žiga sakoneske interno
Petr Torák - O dživipen andre Bari Britanija
kerdo: 10. 04. 2024 07:20 opre kerdo: 10. 04. 2024 07:20
Petr Torák hino andal e Čechiko republika, khatar andro berš 1999, pal e serija rasovo motivovana maribena, jekhetanes la fameľijaha geľas te bešel andre Bari Britanija. Odoj chudľas te kerel andre lokalno policija, kerelas the o temi sar o moderno otroctvo. Andro berš 2015 chudľas e Medaila khatar o Britanijakro imperijum, vaš e leskri čači buťi le romane komunitenca andro Peterborough. Pal oda, so mukhľas e policajno buťi, kerel e komunitno the charitativno buťi, sajekh hino o honorarno konzulos vaš e Čechiko republika andro Peterborough.
Andro dujto kotor andal o trin kotora leperibnaskre vakeribena o Torák leperel, sar avle andre Bari Britanija, kaj jekhvarestar mangle o azil, so sas paľis u sar penge jekh lokhes arakhle o drom kijo than maškar o manuša. Leperel pro peskre jekhto buťa, dži kana geľas kije britsko policija, kaj paš e buťi avri phirďas e uči škola. Vakerel pal o peskre aktiviti, vaš save chudľas e Medaila khatar o Britanijakro imperijum.
e kategorija: vakeriben
o tagi: leperiben biograficko monolog korkoro čechika Petr Torák sakoneske interno
Petr Torák - E komunitno buťi
kerdo: 10. 04. 2024 07:17 opre kerdo: 10. 04. 2024 07:18
Petr Torák hino andal e Čechiko republika, khatar andro berš 1999, pal e serija rasovo motivovana maribena, jekhetanes la fameľijaha geľas te bešel andre Bari Britanija. Odoj chudľas te kerel andre lokalno policija, kerelas the o temi sar o moderno otroctvo. Andro berš 2015 chudľas e Medaila khatar o Britanijakro imperijum, vaš e leskri čači buťi le romane komunitenca andro Peterborough. Pal oda, so mukhľas e policajno buťi, kerel e komunitno the charitativno buťi, sajekh hino o honorarno konzulos vaš e Čechiko republika andro Peterborough.
Andro paluno, trito kotor leperibnaskro vakeriben, Torák vakerel pal oda, soske mukhľas e policija u chudľas pherdes te kerel e komunitno buťi. Vakerel pal o buter aspekti andro pomožipen le manušenge, sar but kampel te kerel le čhavorenca u ternenca, le školenca, kerel e komparacija maškar o sikhľuvibnaskre sistemi andre Čechiko republika u Bari Britanija. Vakerel pal oda, sar ačhiľas honorno konzulos Čechiko republikakro andro Peterborough, the pal o peskre plani u viziji vaš o avipen.
e kategorija: vakeriben
o tagi: leperiben biograficko monolog korkoro čechika Petr Torák sakoneske interno
Petr Torák - O dživipen andre Čechiko republika
kerdo: 09. 04. 2024 07:29 opre kerdo: 09. 04. 2024 07:30
Petr Torák uľiľas andre Čechiko republika, khatar andro berš 1999, pal e serija rasovo motivovana maribena savora fameľijaha geľas andre emigracija andre Bari Britanija. Odoj kerelas buťi andre lokalno policija, kerelas the andre tema pal e moderno robija. Andro berš 2015 chudľas e Medaila andal o Britanijakro Imperijum vaš e leskri lačhi buťi le romane komunitenca andro foros Peterborough. Pale oda, so geľas la policijatar, kerel e komunitno the charitativno buťi, sajekh hino o honorarno konzulos vaš e Čechiko republika andro Peterborough.
Andro jekhto kotor maškar o trin kotora leskro vakeriben u leperiben, o Torák leperel pre peskri fameľija u čhavoripen andre Čechiko republika, pro berša andre škola u pre oda, so pes ačhelas angle fameľijakri emigracija andre Bari Britanija.
e kategorija: vakeriben
o tagi: leperiben biograficko monolog korkoro čechika Petr Torák sakoneske interno
Dezider Horváth, Krásnohorské Podhradie
kerdo: 20. 03. 2024 13:37 opre kerdo: 20. 03. 2024 13:37
Dezider Horváth, o vajdas andro romano gav andro Krásnohorské Podhradie, vakerel pal o gav, pal e osada, pal e romaňi komunita savi bešel andro than the pal peskri personalno u fameľijakri historija. Dezider Horváth peske leperel pro but historicka fakti the pro berša, kana sas aktivno andre romaňi politika the andro lokalno themutnengro aktivizmo.
e kategorija: vakeriben
o tagi: leperiben biograficko dialog moderovano romanes Dezider Horváth sakoneske interno
Laci Nitra - Aďes aba me maťuvav
kerdo: 19. 03. 2024 07:33 opre kerdo: 19. 03. 2024 07:34
E giľi "Aďes aba me maťuvav" hiňi o halgató. Sas dokumentimen pro festivalos Vlachiko Romengro Amari Luma andro Komárno, kaj la giľaďas e fameľijakri grupa Laci Nitra. O lava the o bašaviben kerďas o Ladislav Németh, savo la pro festivalos the giľaďas.
e kategorija: bašaviben
o tagi: vokalno-inštrumentalno moderno folklorno orchestra originalno romanes Ladislav Németh sakoneske interno
Vladimír Slávik
kerdo: 14. 03. 2024 10:33 opre kerdo: 14. 03. 2024 10:41
Hino Bansko Bystricatar. Kijo bašaviben les ľidžalas leskro papus, savo bašavelas pre harmonika u but kamelas o romano bašaviben. The ov but kamel romano bašaviben, nekfeder. Bašavel le bandenca pro Horehronie - o Pokošovci, Haviarovci, Gábrišovci.
Sikhľiľas te bašavel pre cimbalma pre Zakladno umelecko škola Bansko Bystricate. Bašavel andro buter folklorna kapeli. Akana phirel pre Jeseniovo Medicinsko fakulta andro Martin, Komenský Univerzita. O romano folklorno bašaviben hino, sar phenel, buter temperamentno, buter šuňiben vaš e muzika the harmonija, sar andre slovaťiko.
e kategorija: vakeriben
o tagi: leperiben biograficko monolog korkoro Vladimír Slávik cimbalista sakoneske interno
Ján Rigo
kerdo: 14. 03. 2024 06:41 opre kerdo: 14. 03. 2024 10:42
Ján Rigo hino Bratislavatar. Sikhľolas pro ľudovo konzervatorijum, but berša bašavel pre bari bugova u akana hino o slobodno lavutaris. Bašaďas buter renomovano lavutarenca pre Slovaťiko the andro aver thema. Akana bašavel andro grupi Gispy Way Ensemble, Gypsy Jazz SK (e kapela savi ľidžal angle o Ján Berky-Mrenica terneder) u hin les o permanentno than andre kapela Manuša, jekhetanes dine avri andro berš 2022 o albumos sajekh naveha.
e kategorija: vakeriben
o tagi: leperiben biograficko monolog moderovano slovaťiko Ján Rigo interno sakoneske
