Vakeribena

kerdo: 08. 09. 2025 10:37 opre kerdo: 08. 09. 2025 10:38

O kidipen phundrado savorenge kerdo prekal o Kurko vaš o slovaťika biblijoteki, andro Teatros Viola. Pro kidipen pes prezentinďas e nevi kňižka khatar o dokumentačno the informačno centrum vaš e romaňi kultura savi pes vičinel Vakeribena. E autorka hiňi e Jana Gáborová Kroková. Paš late o akharde džene pro kidipen sas o Stanislav Cina, Peter Káša the e Klára Kohoutová. Bašavelas o Štefan Cína.

e kategorija: vakeriben

o tagi: džaňiben džaňibnaskri diskusia dialog humanitno slovaťiko Jana Gáborová Kroková sakoneske interno

Džiďi kňižka - Romano holokaust

kerdo: 08. 09. 2025 10:33 opre kerdo: 08. 09. 2025 10:36

O phundrado kidipen andal o cyklos Džide kňižki, e tema sas o holokaust le Romengro, savo sas andro Teatro Viola. O džide kňižki sas o rodipnaskre džeňa andal e Slovaťiko akademija vaš o džaňibena andro Košice, e Patrícia Fogelová the e Veroniky Szeghy Gayer. Pro klaviris bašavelas o Miroslav Rác.

e kategorija: vakeriben

o tagi: džaňiben džaňibnaskri diskusia dialog humanitno slovaťiko sakoneske interno

Milan Berky

kerdo: 03. 09. 2025 06:48 opre kerdo: 03. 09. 2025 06:49

Milan Berky (1961-) hino Lučencostar a bareder kotor dživipen kerelas buťi pro trastuno drom sar o vozmajstros. Ki e buter intenzivno artikaňi buťi pes dochudľas imar kana našaďas o buťaktro than, pal o 35 berša. Kada paruvipen andro dživipen leske diňas o than te buchľarel peskro kamiben kanastar sas cikno - o čitripen. Leskre čitra hine nekbuter o portreta, save kerel ekstremno detailenca the but realistikanes. Čitrinel nekbuter le angaroreha, saveha doresel o kontrastos the pherďaripen andro parne-kale buťa, save diťhon sar o fotografiji. Maškar leskre buťa phiren o portreta kaj hine o prindžarde manuša, no the o portreta le sako ďivesutne manušengre, kaj hine o Roma the o Romňa andal o kulturno the khetaňibnaskro the športovo dživipen. Milan Berky chudľas o rešpektos na ča pre Slovaťiko, no the avri, the te les nane o formalno artikano sikhľuviben. Chudľas buter moľipena, maškar lende o jekhto than andre kategorija portreta pro maškarthemutno baro marketos vaš o čitratune artikaňibena andro České Budějovice (2017) the o moľipen Inspirace vaš oda, so anďas andre kultura (2022). Leskro čitro - o portretos kaj hino o štatňikos andal o Irak - thode andro berš 2023 pre poštovo znamka andro Irak. O vakeriben le insitno čitratuneha pal o leskro dživipen the buťi sas kerdo 12.4.2024 andro Prešov.

e kategorija: vakeriben

o tagi: leperiben biograficko monolog moderovano slovaťiko Milan Berky sakoneske interno

Doc. PhDr. Marek Lukáč, PhD. - O fundamentos the kaj pes dochudľas o projektos KEGA g. 002PU-4/2024 Bareder kompetenciji le pedagogicko buťarnenge andre romaňi čhib, literatura the o realiji.

kerdo: 12. 02. 2025 09:34 opre kerdo: 12. 02. 2025 09:35

E Prešovsko univerzita andro Prešov, o Centrum vaš o čhiba the kulturi nacijonalno minoritengre, kerďas e maškarthemutňi konferencija tel o nav O minoritna čhiba the sikhaviben pre Slovaťiko: e historija, e akanutňi situacija the o perspektivi. E konferencija sas pro Rektoratos pre Prešovsko univerzita andro Prešov, 29.-30.10.2024

e kategorija: vakeriben

o tagi: džaňiben prezentacia monolog konferenčno slovaťiko Marek Lukáč akademicko interno