O Roma the o Slovaťiko nacijonalno opre ušťiben
kerdo: 05. 03. 2024 08:06 opre kerdo: 05. 03. 2024 08:07
E redakcija vaš o nacijengro programos andro Slovaťiko radijo, študijo Košice, diňas o than kaj pen arakhle o študenta pal o maškarutne školi andro Košice u e historička u etnologička Zuzana Kumanovo pre diskusija pal o Slovaťiko nacijonalno opre ušťiben. E Zuzana Kumanová paťa, hoj o leperibena pro Slovaťiko nacijonalno opre ušťiben amenge den o šajipen te vakerel pal o bare buťa, so kerde o Roma, save gele andro riziko, dine peskre dživipena andro mariben vaš e sloboda the demokracija. E Zuzana Kumanovo vakerela pal o Roma, saven na ča murdarenas andro mariben, no save pen marenas pale, sas the partizana, the slugaďa, avrikhelde e sloboda. Vakerelas the pale e identita. E moderatorka pro kidipen sas Erika Godlová, o kidipen sas kerdo 13.9.2018 andro študijo RTVS pre Moyzesovo uľica 7 andro Košice.
e kategorija: vakeriben
o tagi: džaňiben džaňibnaskri diskusia dialog humanitno slovaťiko Zuzana Kumanová Erika Godlová sakoneske interno
Alexander Daško a Vladimír Sendrei
kerdo: 15. 02. 2023 15:00 opre kerdo: 16. 03. 2023 08:29
Vladimír Sendrei, o giľavno u šerutno andre kapela Sendreiovci u Kokavakere lavutara. Hino o šerutno andre organizacija Lačho drom u šerutno vaš o bašavibnaskro festivalos Balval Fest.
Alexander Daško hino andal o Čierny Balog. O lavutaris, saves la kapelaha prindžaren na ča pre Slovaťiko. Sikhľolas pro konzervatorijum andre Žilina, paľis pre Pedagogciko fakulta pre Univerzita Matejoskri Beloskri. Andre Bansko Bystrica imar but berša kerel o festivalos Cigansky oheň (Romaňi jag) u ľidžal peskri bašavibnaskri škola.
E nekbareder tema andro vakeriben hin lengri buťi le lavutarenca andal o aver thema - Vladimír Sendrei u Hans Zimmer, savo iľas avri lengri kapela te bašavel andro filmos Sherlock Holmes 2: Učhaľinengro kheľiben.
Alexander daško vakerel pal o Goran Bregovič u lengro jekhetano koncertos andre Bansko Bystrica. Aver temi pro vakeriben sas o romano bašaviben pre Slovaťiko andro akanutne berša, o inšpiraciji vaj o plani vaš o avipen.
e kategorija: vakeriben
o tagi: leperiben biograficko dialog moderovano slovaťiko Alexander Daško Vladimír Sendrei Hans Zimmer Goran Bregovič sakoneske
E džíďi kňižka - Lomnické čháve
kerdo: 22. 09. 2022 10:02 opre kerdo: 22. 09. 2022 10:02
Lomnické čháve hine e rompop kapela, kaj o kapelňikos hino Milan Polhoš, o manažeris hino Tomáš Slebodník. Andro lengro repertoaris hine nekbuter o folklorna giľa slovaťika, the aver nacijendar, save giľaven u bašaven andro pop aranžmana, pro elektronicka inštrumenta. O video hino o vakeriben le dženenca andal e kapela u le manažeriha. O video sas kerdo 8.7.2020 andro Prešov, andro Centrum vaš e slobodno kultura Wave.
e kategorija: vakeriben
o tagi: leperiben biograficko dialog moderovano slovaťiko romanes Lomnické čháve sakoneske interno
Džiďi kňižka: Loli paradička
kerdo: 18. 05. 2022 09:19 opre kerdo: 18. 05. 2022 09:21
O filmos Loli paradička hiňi e romanticko komedija pal o kamiben maškar e Veronka u Milan, savo phirel te bikenel pro jarmoki. So duj dženen hin varesavo pharipen – le Milan nane o pindro, e Veronka hiňi romaňi. The avka predživen vareso čačo, pherasutno the pharo maškar lende, o ďivesa, kana paťan andro avipen, kamiben, humor. Scenaris u režija: Richard Staviarsky, Viťo Staviarsky. Bašaviben: Štefan Cína, Viťo Staviarsky. O šerutne roli khelde Michal Iľkanin u Kamila Mitrášová. Pro festivalos Art Film Fest o filmos chudľas o Moľipen le manušendar, andro berš 2019 sas o nekhbuter dikhlo slovaťiko filmos. Pro kidipen andal e serija Džide kňižki, save kerel e Themeskri džaňibnaskri kňižnica andro Prešov, sas akharde o kreativna manuša Richard Staviarsky u Marka Staviarska (e producentka), the e aktorka andre šerutňi rola Kamila Mitrášová. O bašavibnaskro akhardo sas e Folklorno kapela Štefanoskri Cínoskri. Štefan Cína hino o ko-autoris vaš o bašavibnaskro soundtrack kijo filmos, leskri kapela bašaďas nekhbuter originalna giľa.
e kategorija: vakeriben
o tagi: leperiben faktograficko dialog moderovano slovaťiko Richard Staviarsky Marka Staviarska Kamila Mirtrášová sakoneske interno
Tomáš Hrustič - Kale-parne sveti
kerdo: 23. 03. 2020 14:03 opre kerdo: 27. 11. 2020 02:00
Tomáš Hrustič andal o Inštitutos vaš e etnologija u socijalno antropologija andre Slovaťiko džaňibnaskri akademija Bratislavate vakerel pal e publikacija Kale-parne sveti/O Roma andro majoritno khetaňibe pre Slovaťiko. Duj naroda, sako aver, duj aver dikhipena, duj sveti. Duj sveti, sako aver, save hine jekh paš o aver. O Roma u ola aver džene. The ole faktendar sas kerdo o nav pre publikacija Kale-parne sveti. O eksperta pro romane študiji kherestar the lumatar dikhle andro ola sveti u anen o prindžaripena andal o lengre rodipena. O džaňibnaskre recenzenta pre publikacija sas: Martin Fotta, PhD., PhDr. Michal Vašečka, PhD., Kimmo Granqvist, PhD., Prof. Mgr. Milan Kováč, PhD. Avri diňas: VEDA, Publikačno kher SAV, Ústav etnológie SAV, Avri dino beršeste: 2015, Seri: 595
Video hino ulado andro buter kotora. Sako kotor hino o vakeriben pal o jekh kotor andre publikacija. O kotora hine ulade titulkoha.
e kategorija: vakeriben
o tagi: džaňiben faktograficko dialog humanitno slovaťiko romanes Tomáš Hrustič akademicko interno
O projektos Džiďi kňižka - Ivan Akimov
kerdo: 14. 12. 2019 22:45 opre kerdo: 27. 11. 2020 02:00
Ivan Akimov, o bašaldo dženo andal e rusiko fameľija, avri bariľas andro Francuziko, dživel andro Kežmarkos pre Slovaťiko, profesijonalnes kerel buťi le romane čhavorenca andro artistikano suboris Kesaj čhave. Vaš peskri lunge beršengri buťi andre artistikaňi luma u buťi le Romenca chudľas o moľipen khatar o francuziko ambasadoris pre Slovaťiko, o themeskro moľipen E komunita Nacijonalno Vitézis.
e kategorija: vakeriben
o tagi: leperiben biograficko dialog moderovano slovaťiko Ivan Akimov sakoneske interno
O Racova u e charťikaňi buťi
kerdo: 19. 11. 2019 15:15 opre kerdo: 27. 11. 2020 02:00
E charťikaňi tradicija andre fameľija chudľas o Štefan Rác. Kadi buťi kerel the leskro čhavo, the le čhaveskre čhave. Andro video pal e buťi hino o dijalogos maškar o Štefan Rác the leskri vnučka Barbora Rácová. Vakeren pal e charťikaňi buťi, o produkti save kerde, sar pen ola keren, the o drom ki e kadi buťi. Paš o vakeriben hine the o čitre, sar keren o charťipen o Štefan Rác, e vnučka (Barbora Rácová) the o vnukos (Pavol Rác).
e kategorija: vakeriben
o tagi: leperiben biograficko dialog moderovano slovaťiko Štefan Rác Barbora Rácová sakoneske interno
E džiďi kňižka - O džuvľa džuvľenge
kerdo: 02. 09. 2019 08:36 opre kerdo: 27. 11. 2020 02:00
E džiďi kňižka - O džuvľa džuvľenge sas kerďi pro 12.04.2017 andro Wave Club andro Presov, paš o Lumakro Romano Ďives. O akharde džene sas e Mgr. Ildiko Gorova the e Mgr. Gabriela Gaborova andal o gav Vtačkovce. I. Gorovo hiňi e sikhavňi odoj, andre lokalno zakladno škola, e G. Gaborovo hiňi e koordinatorka vaš e terenno socijalno buťi andro Kher le zorarde manušeskro rajipnastar SR vaš o romane komuniti.
Te bašavel sas akhardo o Arpi Farkas Jazz Trio (Arpad Farkas - e zongora, Angela Farkasovo - o giľavipen, Adrian Sajko - e bari bugova).
e kategorija: vakeriben
o tagi: leperiben faktograficko dialog moderovano slovaťiko romanes Ildikó Gorová Gabriela Gáborová sakoneske interno
Roman Goroľ - Šilalo čalaviben našade tosarastar
kerdo: 14. 12. 2018 13:25 opre kerdo: 27. 11. 2020 02:00
Roman Goroľ uľiľas 15.8.1969 andro Vranov nad Topľou. Hin les romňi, trin čhave a kerel buťi sar o sikhavnengro asistentos pre zakladno škola andro gav Čaklov, kaj the bešel. Roman Goroľ phirelas pre Pedagogicko fakulta pre Prešovsko univerzita andro Prešov, kaj agorinďas o bakalarsko učipen. Roman Goroľ bares kamel e literatura, poezija the e proza. Imar kana sas ča terno čhavo, pisinelas o charne giľutne pal o dživipen, emociji, pal o kamiben. Leskro literarno džaňiben pes sikavel andre poeticko kňižka, Šilalo čalavipen našade tosarastar, savi avri diňas e Štatno džaňibnaskri kňižňica andro Prešov andro berš 2016, o ilustraciji kerďas o Martin Kaleja Januv. Štar giľutne andre romaňi the angľičaňiko čhib prethoďas Erika Godlová. O video kerdo pro 1.12.2016 sikavel o autoris, savo pisinďas ola giľutne, sikavel varesave leskre giľutne, o vakeriben hino the pal o ilustratoris Martin Kaleja Januv, leskro džaňibnaskro talentos šaj dikhen pro video. František Godla the o Dušan Onody sar Duo Farsa buchľarde o programos peskre bašavibnaha. (Khatar: Roman Goroľ, Šilalo čalavipen našade tosarastar, personalno rodipen).
e kategorija: vakeriben
o tagi: leperiben biograficko dialog korkoro slovaťiko romanes Roman Goroľ František Godla Dušan Onody sakoneske interno
Romano literarno klubos
kerdo: 21. 12. 2017 15:14 opre kerdo: 27. 11. 2020 02:00
Romano literarno klubos (ROLIK) hino o khetaňiben, kaj hine o autora so lekhaven poezija the proza, u lengri inšpiracija hiňi andal o romano dživipen. ROLIK kerde andro berš 2009 andre Bansko Bystrica, prekal o mangipen khatar e Asocijacija vaš o romane inicijativi u o manuš, so oda kerďas sas Mgr. Marián Balog. O klubos kamel te prezentinel o literarna buťa le Romendar u pal o Roma. O vakeriben le dženenca andro romano literarno klubos sas kerdo andre Bansko Bystrica, 29.4.2016. Pro video hiňi e dokumentacija - o džando diskusno kotor khatar e Ivana Cicková, Mgr. Marián Balog, Milan Berko the Zlatica Rusová. O diskusno kotor sikavel, sar u so keren o autora, lengre literarna jekhto uštara. E diskusija lel e forma sar o dijalogos, savo ľidžal o Mgr. Marián Balog. Andre diskusija pen leperen o nava save phiren le prindžarde manušenge andal o romano kulturno - khetaňibnaskro svetos, so ande andre romaňi literarno the informačno - džanďi buťi.
e kategorija: vakeriben
o tagi: džaňiben diskusno vakeriben dialog humanitno slovaťiko Marián Balog - literatos Milan Berko Ivana Cicková Zlatica Rusová sakoneske interno
